«Բազմիցս ասել եմ՝ դա հասկանալի օրակարգ է ՀՀ-ի համար է, եթե մենք փակում ենք ԼՂ հակամարտության էջը, իսկ մենք դա անում ենք, ի՞նչ իմաստ ունի հակամարտությամբ զբաղվող կառույցի գոյությունը:
Բայց ԵԱՀԿ Միսկի խումբը առնվազն դե ֆակտո ունի ավելի լայն համատեքստ, և մենք ուզում ենք համոզված լինել, որ Ադրբեջանը Մինսկի խմբի լուծարումը չի դիտարկում որպես Ադրբեջան-Հայաստան հակամարտությունը Ադրբեջանի տարածքում փակելու և Հայաստանի ինքնիշխան տարածք տեղափոխելու ուղղված քայլ», հայտարարել է վարչապետ Նիկոլ Փաշինյանը խորհրդարանում, ասելով, որ Բաքվին առաջարկում են միաժամանակ ստորագրել թե խաղաղության պայմանագիրը, թե Մինսկի խմբի կառույցների լուծարման մասին համաձայնությունը:
Ստացվում է, որ Նիկոլ Փաշինյանն այսպես կոչված խաղաղության պայմանագիրը համարում է երաշխիք, որ Ադրբեջանը այլևս չունի Հայաստանի հանդեպ հավակնություն և, հետևաբար չկա Մինսկի խմբի «ավելի լայն համատեքստի» կարի՞ք: Սա հայտարարություն է այն մասին, ինչ Նիկոլ Փաշինյանը իրապես պատկերացնու՞մ է, թե՞ պարզապես դիվանագիտական հաշվարկ և պատասխան Ադրբեջանի շանտաժին, համոզվածությամբ, որ Ադրբեջանը չի ընդունի այդ առաջարկը:
Կստացվի, որ Երևանը մի կողմից կառուցողական է այսպես ասած խաղաղության օրակարգը առաջ մղելու հարցում, մյուս կողմից սակայն չի գնում Մինսկի խմբի լուծարման հետ կապված պայմանը աներկբա ընդունելուն:
Իհարկե, բարդ է միարժեք գնահատել, թե ինչ է Փաշինյանի միտքը, սակայն, անկասկած, է թերևս մի բան, որ Մինսկի խմբի և, մասնավորապես դրա համանախագահության ձևաչափի լուծարումը, թերևս, վերջին բանն է, որ կարող է թույլ տալ կամ որին կարող է համաձայնել Երևանը, անգամ այսպես կոչված Խաղաղության պայմանագրի ստորագրման պարագայում:
Մինսկի խմբի համանախագահությունը Ադրբեջանի հանցանքի հետքն է, այդ մասին առիթ եմ ունեցել արձանագրել դեռևս 44-օրյա պատերազմից հետո:
Լուծարել կառույցը, նշանակում է ջնջել Ադրբեջանի հանցանքի հետքը: Առավել ևս, երբ Ադրբեջանը բացարձակապես չի հրաժարվել նոր ագրեսիայի մտադրությունի, իսկ այդ խաղաղության պայմանագիրը գործնականում չի ներառում խաղաղության ու պատերազմի հետ առնչվող մի շարք էական գործոններ, ինչպես ապաշրջափակման հարցը, սահմանազատման և սահմանագծման գործընթացը:
Հետևաբար, լուծարել Մինսկի խումբը խաղաղության պայմանագրի ստորագրմանը զուգահեռ կամ դրանից հետո, դա նշանակելու է, որ խմբի «լայն համատեքստը» շարունակելու է մնալ, իսկ խումբը՝ ոչ: Դա, ըստ էության, կնշանակի, որ հայ-ադրբեջանական պայմանագիրն այլ բանի մասին չէ, քան լոկ Մինսկի խմբի լուծարման:
Բաց մի թողեք
Էքզիթ-փոլեր. Գերմանիայի ծայրահեղ աջ AfD-ն հստակ առաջատար է Սաքսոնիա-Անհալթի ընտրություններում
«Հակարիի կամրջի մոտ ադրբեջանցիներն ուզում են առաջանալ, հայ սահմանապահները չեն թողնում․ կրակոցներ չկան, միայն լեզվակռիվ է»․ Կոռնիձորի վարչական ղեկավար
Տասնյակ հազարավոր խորվաթներ բողոքի ցույց են անցկացնում վտանգավոր թափոնների աղբավայրի դեմ. Լուսանկար