Իրանի դեմ իսրայելա-ամերիկյան տասներկուօրյա պատերազմը զուգահեռվում է «Ռուսաստանին ռազմավարական պարտության մատնելու հավաքական Արևմուտքի ծրագրի» հետ և եզրահանգում, որ «այն դապարտված է արմատական անհաջողության, որովհետև թե Ռուսաստանը, թե Իրանը հազարամյա պետական-քաղաքակրթական ինքնության կրող են»:
«Իրանի դեմ հաղթանակը հնարավորություն է, որպեսզի ունենանք բոլորովին նոր Մերձավոր Արևելք, և մենք ոչ մի օր կորցնելու իրավունք չունենք»,- հունիսի 26-ի ուշ երեկոյան Իսրայելի ժողովրդին հասցեագրած տեսաուղերձում հայտարարել է վարչապետ Բենիամին Նաթանյահուն:
Սպիտակ տան պաշտոնական ներկայացուցիչը նույն ժամերին հաստատել է, որ նախագահ Թրամփը պատրաստվում է Սպիտակ տանը հյուրընկալել Իսրայելի վարչապետին՝ «ամենամոտ ժամանակներս»:
Իսրայելական Yenet-ի տեղեկացվածությամբ՝ Իսրայելն «այլևս ՀԱՄԱՍ-ի հետ բանակցությունների համար Դոհա կամ Կահիրե պատվիրակություններ չի ուղարկի, հարցերը կկարգավորվեն շատ բարձր մակարդակներում»:
Ըստ երևույթին, նկատի է առնվում, որ Գազայի կարգավորման համաձայնությունը ձեռք կբերվի Թրամփ-Նաթանյահու հանդիպմանը:
Արաբական աշխարհի լրատվամիջոցները, որոնց հղում են անում իսրայելցի մեկնաբանները, տեղեկացնում են, որ Գազայում կարգավորման ծրագիրը ենթադրում է ռազմական գործողությունների վերջնական դադարեցում, պատանդների վերադարձ, ՀԱՄԱՍ-ի առաջնորդների արտաքսում և պաղեստինյան էքսկլավում «արաբական արտաքին կառավարման հաստատում»:
Ըստ որոշ տեղեկությունների՝ այն կիրականացնի Եգիպտոսը, այլ աղբյուրների ասելով՝ «կներգրավվի նաև Սաուդյան Արաբիան, ինչպես նաև երկու այլ արաբական երկիր»:
Իսրայելական աղբյուրներն ակնարկում են, որ ամենաէական՝ Պաղեստինի պետության ճանաչման, հարցում Նաթանյահուն «հարկադրված է գնալ զիջումների»: Ըստ այդմ, նա «պահանջում է, որ Պաղեստինի ինքնավարության կառավարությունը բարեփոխումներ անցկացնի», իսկ ԱՄՆ-ը «Հուդեայում և Սամարիայում ճանաչի իսրայելական սահմանափակ ինքնիշխանությունը»:
Որքանո՞վ է իրականանալի այս ծրագիրը՝ ոչ ոք չգիտի: Փաստ է, սակայն, որ Իրանի նախագահ Փեզեշքիանը պատերազմից հետո իրանական հանրությանը ոչ միայն ինքնակազմակերպվելու, այլև ներքին բարեփոխումներ իրականացնելու հաստատակամություն է հասցեագրել:
«Նյու-Յորք թայմսի» տեղեկացվածությամբ՝ Իրանի հոգևոր առաջնորդի «առողջական վիճակը կրիտիկական է»:
Ինչ էլ որ իսրայելա-պաղեստինյան հարաբերություններում լինի, Մերձավոր Արևելքն Իրանի դեմ ամերիկա-իսրայելական պատերազմից հետո փոխվելու է: Իրանանակ ազդեցության «շիադավան աղեղը» լրջագույն կորուստներ է ունեցել: Այս իրողությունն, անկասկած, պետք է լրջորեն գնահատվի նաև Հայաստանում:
Ռուսաստանը պատրա՞ստ է «վերակենդանացնել տարածաշրջանի իրանականությունը», աշխարհաքաղաքական նման ծրագիր ունի՞, թե Մերձավոր Արևելքը և Հարավային Կովկասը «հանձնում է» ԱՄՆ-ին, որպեսզի Ուկրաինայում տարածքային ձեռքբերումներն «օրինականցնի՞»: Հայաստանում «ռազմավարական դաշնակցի» հետ հարաբերությունների նախկին «մոդուսին» վերադառնալու ջատագովներն այդ էքզիստենցիալ նշանակության հարցի պատասխանն ունե՞ն:
Բաց մի թողեք
ԵՄ մայրաքաղաքները սպասում են Ֆոն դեր Լեյենի նոր անվտանգության ռազմավարության վերաբերյալ պարզաբանմանը
Մինչ վետոն ձգձգվում է, Բրյուսելը մտածում է. Արդյո՞ք Օրբանը կզիջի ընտրություններից առաջ
Խաղաղության բանակցությունները փակուղի են մտել․ ՌԴ հարվածները Կիևում խլել են առնվազն չորս մարդու կյանք