Բաքուն բոյկոտում է ԱՊՀ նիստը՝ դժգոհ են Ռուսաստանից

Ադրբեջանը հրաժարվել է մասնակցել Մոսկվայում կայանալիք ԱՊՀ տնտեսական խորհրդի նիստին, հաղորդում են ադրբեջանական լրատվամիջոցները։

Trend գործակալության աղբյուրի փոխանցմամբ՝ Բաքուն դժգոհ է Եկատերինբուրգում տեղի ունեցած միջադեպից, խոցված AZAL ինքնաթիռի շուրջ ստեղծված իրավիճակից և այդ ամենի կապակցությամբ Ռուսաստանի կողմից պաշտոնական պատշաճ արձագանքի բացակայությունից։

Սովորաբար, նման հանդիպումներին Ադրբեջանը ներկայացնում է առաջին փոխվարչապետ Յագուբ Էյուբովը, սակայն այս անգամ նա չի մեկնի։