Սևանա լճում խեղդվելուց 3 տարի անց գտնվել է Իշխան Աբրոյանի մարմինը։ Տեղեկությունը հայտնել է Վարդենիկ գյուղից Արտուշ Խաչատրյանը, և հաստատել ՀՀ քննչական կոմիտեն:
«2022թ. մայիսի 6-ին Վարդենիկ գյուղից մեզ շատ հարազատ մարդիկ՝ Ավետիք Սևոյանը և Իշխան Աբրոյանը, խեղդվել էին Սևանա լճում։
Ավետիք Սևոյանի մարմինը երկար որոնումներից հետո գտնվեց, սակայն Իշխանի մարմինն արդեն երրորդ տարին էր՝ չէր գտնվել։
Մի քանի օր առաջ պատահական գտել են Իշխանի մարմնից մասունքներ, ու դատաբժշկական փորձաքննությամբ հաստատվել է, որ մարմինը Իշխանինն է։
Սիրելի՛ վարդենիկցիներ, գիտեմ՝ ինչքան էիք մտահոգվում այս դժբախտ դեպքի պատճառով, հիմա արդեն հանգիստ կլինենք, որ գտնվել է Իշխանի դին, ու վերջապես նրա հարազատները հանգիստ կարող են քնել…
Ե՛վ ցավակցում ենք, և՛ ուրախ ենք, որ գտնվեց մեր եղբոր մարմինը…»,- գրել է Արտուշ Խաչատրյանը:
Քննչական կոմիտեից հաստատել են տեղեկություն՝ նշելով. «Դեպքի առթիվ նախաձեռնվել է քրեական վարույթը՝ Քրեական օրենսգրքի 155-րդ հոդվածի 1-ին մասով։ Նշանակվել է դատագենետիկական փորձաքննություն, որի եզրակացությունը ստացվել է»:
Բաց մի թողեք
Խոշոր ավտովթար՝ Սյունիքի մարզում․ բախվել են «Կամազ»-ը և «Kia Forte»․ բժիշկները պայքարում են վերջինի վարորդի կյանքի համար․ Լուսանկար
Արտառոց դեպք՝ Կոտայքի մարզի գյուղերից մեկում. 13-ամյա տղան ընկերների հետ պահմտոցի խաղալիս մտել է էլեկտրակայան որտեղ էլ հոսանքահարվել է
Վթար՝ Սարավանում, արգելապատնեշը մխրճվել է մեքենայի մեջ, վարորդի դուստրը վիրավորվել է․ Լուսանկար