Ռուս-ամերիկյան բանակցությունների երրորդ փուլը՝ երկու երկրների միջև հարաբերություններում առկա խնդրահարույց հարցերի լուծման համար, տեղի կունենա մինչև աշնան վերջը, ՏԱՍՍ-ին ասել է Ռուսաստանի փոխարտգործնախարար Սերգեյ Ռյաբկովը։
«Դա անպայման տեղի կունենա մինչև աշնան վերջը։ Դեռևս ամսաթվեր չկան. ամեն ինչ քննարկման փուլում է», – ասել է բարձրաստիճան դիվանագետը։
Հիշեցնենք, որ այս տարվա փետրվարի 27-ին և ապրիլի 10-ին Ստամբուլում բանակցություններ են անցկացվել Ռուսաստանի և ԱՄՆ դեսպանատների աշխատանքային պայմանները կարգավորելու, ինչպես նաև երկու երկրների միջև հարաբերություններում առկա վիճելի հարցերի լուծման ուղիները քննարկելու համար։
Առաջին երկու փուլերում ռուսական պատվիրակությունը գլխավորել է Վաշինգտոնում ՌԴ դեսպան Ալեքսանդր Դարչիևը, իսկ ամերիկյան կողմը՝ Եվրոպայի և Եվրասիայի հարցերով պետքարտուղարի օգնականի տեղակալ Սոնատա Քալթերը։
Առաջին հանդիպումը, որը տեղի է ունեցել մամուլի համար փակ դռների ետևում, տևել է ավելի քան վեց ժամ, իսկ երկրորդը՝ մոտավորապես հինգուկես ժամ։
Բաց մի թողեք
«Իրանը մեր հանդեպ ավելի հարգալից է, քան Թուրքիան․․․». Բաքվի արձագանքը
ԵՄ-ն ստուգում է՝ արդյոք Booking.com-ը բավարար միջոցներ ձեռնարկո՞ւմ է կեղծ հայտարարությունների և ֆիշինգային խարդախությունների դեմ պայքարելու համար
Լիտվայում հայտնաբերվել է սինթետիկ թմրամիջոցների խոշոր լաբորատորիա, որը ղեկավարել է Նիդերլանդների քաղաքացի