Կալանավորման որոշմամբ` Հակակոռուպցիոն կոմիտե են տարել ԱԺ նախկին պատգամավոր Մարտուն Գրիգորյանին:
Այս մասին հայտնում է Գյումրու ավագանու «Մեր քաղաքը» խմբակցության ղեկավար Լիզա Գասպարյանը:
Այսօր՝ օգոստոսի 13-ին, ՀՀ հակակոռուպցիոն կոմիտեի ծառայողների կողմից ձերբակալվել է Ազգային ժողովի նախկին պատգամավոր Մարտուն Գրիգորյանը։
Իրավապահ մարմիների մեր աղբյուրների փոխանցմամբ` Գրիգորյանը ներգրավվել է որպես մեղադրյալ ընտրական հանցագործության դեպքով նախաձեռնված քրեական վարույթի շրջանակներում, քանի որ նա «Բարգավաճ Հայաստան» կուսակցության ցուցակով առաջադրվել էր որպես պատգամավորի թեկնածուն։ Ձերբակալումն իրականացվել է վերջինիս դատարան ներկայացնելու և կալանավորումը որպես խափանման միջոց ընտրելու վերաբերյալ միջնորդություն ներկայացնելու նպատակով։
Նկատենք, որ այս քայլով իշխանությունը փորձում է «մեկ հարվածով երկու նապաստակ որսալ»։ Մi կողմից՝ սա դիտարկվում է որպես քաղաքական ճնշում «Բարգավաճ Հայաստան» կուսակցության ղեկավար Գագիկ Ծառուկյանի նկատմամբ՝ վերջինիս դեմ նոր գործեր հարուցելու և իրավական հիմքեր նախապատրաստելու նպատակով։
Մյուս կողմից՝ թիրախում է հայտնվում Գյումրիի տեղական իշխանությունը։ Հայտնի է, որ Մարտուն Գրիգորյանի գլխավորած «Մեր քաղաքը» դաշինքն ակտիվ ներկայացվածություն ունի Գյումրու ավագանիում։ Գրիգորյանի ձերբակալությունն ու հնարավոր կալանավորումն ուղղակիորեն օգտագործվում են դաշինքի ավագանու անդամների վրա ճնշումներ գործադրելու, նրանց կամքը պարտադրելու և, ըստ էության, Գյումրիում քաղաքային իշխանությունը զավթելու նպատակով։
Մարտուն Գրիգորյանի հարցաքննությունն ավարտվել է։ Նրա փաստաբանի փոխանցմամբ՝ Գրիգորյանը մեղքը չի ընդունում։
Ձերբակալված ընդդիմադիր գործչին շուտով կտեղափոխեն դատարան, որտեղ քննվելու է նրա նկատմամբ կալանքը որպես խափանման միջոց կիրառելու վերաբերյալ Հակակոռուպցիոն կոմիտեի միջնորդությունը։
Հիշեցնենք` Մարտուն Գրիգորյանին առավոտյան տանից բերման են ենթարկել, ինչպես տեղեկացանք, տունը չեն խուզարկել։ Բրան ձերբակալել են խորհրդարանական ընտրությունների ընթացքում ենթադրյալ ընտրական հանցագործության վերաբերյալ հարուցված քրեական վարույթի շրջանակում։ Նա ԲՀԿ ցուցակով պատգամավորի թեկնածու էր։ Հակակոռուպցիոն կոմիտեն հայտնել է, որ Գրիգորյանը նույն վարույթով ներգրավված է որպես մեղադրյալ։
Բաց մի թողեք
Զինված իրավապահները բերման են ենթարկում Նարեկ Նալբանդյանին. Տեսանյութ
Վճռաբեկ դատարանի դատավոր Վիգեն Քոչարյանի լիազորությունները դադարեցվել են. Լուսանկար
Վեհափառի գործը հետ գնաց դատավոր Սերժ Ռուշանյանի մոտ