«ՀՀ քաղաքական դաշտում շարունակում է ինտրիգային մնալ Կոտայքի մարզի Աբովյան համայնքի առաջիկա ընտրությունների հարցը։
«Ժողովուրդ» օրաթերթը գրում է. Հոկտեմբերի 25-ին Կոտայքի մարզի մի շարք խոշոր համայնքներում նախատեսված են համայնքի ղեկավարի ընտրություններ, և իշխանական «Քաղաքացիական պայմանագիր» կուսակցությունում այս օրերին ակտիվորեն քննարկվում են թեկնածուների հարցերը և չեն գտնում բոլոր տեղերում արժանի փոխարինողներ։
Հատկապես մեծ հետաքրքրություն է առաջացրել Աբովյանի քաղաքապետի թեկնածուի ընտրությունը։
Իշխանական աղբյուրների փոխանցմամբ՝ այս պահի դրությամբ իշխանության ներսում առավել հավանական տարբերակը Էդուարդ Բաբայանի թեկնածությունն է։ ՔՊ-ում վերլուծել են, որ Բաբայանը Աբովյանում ունի մեծ ճանաչելիություն և ընտրողների շրջանում անհրաժեշտ աջակցություն, ինչն էլ կարող է ՔՊ-ին հնարավորություն տալ քաղաքապետի ընտրություններում հաղթանակ ապահովել։
Այլ պարագայում էլի կպարտվի ՔՊ-ն այդ համայնքում։ Էդուարդ Բաբայանն այժմ ղեկավարում է Աբովյան համայնքը։ 2021 թվականի դեկտեմբերին նա ընտրվել էր Աբովյանի համայնքապետ՝ ստանալով 14 մանդատ, այն դեպքում, երբ ՔՊ-ի իշխանական թեկնածուն՝ Պավել Ցուգունյանը, իր ողջ ռեսուրսներով ստացել էր 12 մանդատ։
«Ժողովուրդ» օրաթերթի տեղեկություններով՝ ՔՊ-ի տարածքային կառույցներին, իհարկե, այս փուլում հանձնարարվել է ներկայացնել երկուական թեկնածու, որից հետո կուսակցության համապատասխան մարմինը պետք է ընտրություն կատարի։
Սակայն իշխանական մեր աղբյուրները պնդում են, որ, չնայած թեկնածուների ընտրության պաշտոնական գործընթացը դեռ չի ավարտվել, ներքին քննարկումներում նախապատվությունը կարծես թե տրվում է հենց Էդուարդ Բաբայանին՝ որպես կարող թեկնածու։
Միևնույն ժամանակ, նկատենք, որ այս պահի դրությամբ ՔՊ-ն պաշտոնապես չի հայտարարել Աբովյանի համայնքապետի թեկնածուի անունը»։
Բաց մի թողեք
Մոլդովա – Ռուսաստան առճակատումը նոր թափ է ստանում
Փաշինյանը հիբրիդային պատերազմ է սկսել Հայաստանի դեմ
Այս կալանավորումները` Ադրբեջանում եւ Հայաստանում, փոխկապակցված են. Լուսանկար