«Ռուսական տներ» կբացվեն Հայաստանի Արտաշատ և Աշտարակ քաղաքներում։
Այս մասին հայտարարել է «Ռոսսոտրուդնիչեստվո»-ի ղեկավար Իգոր Չայկան։
Ըստ ռուսական ԶԼՄ-ների, նա ՌԴ Հանրային պալատում ստորագրել է 11 նման հարթակներ բացելու վերաբերյալ համաձայնագրեր։
Ներկայացուցչական գրասենյակներ կբացվեն նաև Քենիայում, Կոնգոյի Դեմոկրատական Հանրապետությունում, Մադագասկարում, Մալիում, Թաիլանդում, Տոգոյում ու ևս մի քանի երկրներում։
Ինչպես գրել ենք, սեպտեմբերի 1-ին Գերմանիան հայտարարեց Ռուսաստանի դեմ միջոցների մասին, այն բանից հետո, երբ գերմանական իշխանությունները մեղադրեցին Մոսկվային Լայպցիգի օդանավակայանում ԱԹՍ-ներով հարձակման փորձի մեջ։ Օգոստոսին այնտեղ, ուկրաինական տրանսպորտային ինքնաթիռի մոտ, հայտնաբերվեց դետոնատորով անօդաչու թռչող սարք։
Դրանից հետո Բեռլինը որոշեց սեպտեմբերի 18-ից փակել Բոննում Ռուսաստանի գլխավոր հյուպատոսությունը, դադարեցնել Բեռլինում «Ռուսական տան» պայմանագիրը, խստացնել Ռուսաստանի քաղաքացիների մուտքի վերահսկողությունը։
Ռուսաստանի իշխանություններն իրենց հերթին հայտարարեցին Սանկտ Պետերբուրգում Գերմանիայի գլխավոր հյուպատոսության փակման և Գյոթեի ինստիտուտի մասնաճյուղերի փակման որոշման մասին՝ ի պատասխան Բեռլինի ոչ բարեկամական գործողությունների։
Բաց մի թողեք
Լավրովը՝ բանաստեղծ, թե՝ ֆուտբոլիստ․ Կողմնորոշման ժամանակը
Ձեր ամբարտավան բերանը եթե էլի բացեք, կպատժվեք. լարված բանավեճ Ավինյանի և Զառոկյանի միջև
«ԴԱՎՈ ՕԻԼ» ՍՊԸ-ն թերլիցքավորման համար տուգանվել է. Լուսանկար