Մեծ Բրիտանիան Ֆինլանդիային առաջարկում է միջուկային պաշտպանություն՝ որպես «Միացյալ արշավախմբային ուժերի» (JEF) կազմում ձևավորվող մարտական ստորաբաժանումների մաս, երկուշաբթի օրը հայտնել է ֆիննական Iltalehti թերթը։
«Որպես եվրոպական միջուկային տերություն՝ Մեծ Բրիտանիան առաջատար դեր է խաղում միջուկային զսպման գործում։ Նրանց ռազմածովային ուժերի հրամանատարն ընդգծել է JEF-ի շրջանակներում այս համագործակցությանը Մեծ Բրիտանիայի հաստատակամ հանձնառությունը՝ դրանով իսկ նոր հնարավորություններ բացելով», – Iltalehti-ին ասել է խորհրդարանի պաշտպանության հարցերով հանձնաժողովի նախագահ Հեյկի Աուտտոն՝ մեկնաբանելով Միացյալ Թագավորության ռազմածովային ուժերի ղեկավար, ծովակալ Գվին Ջենկինսի հետ ունեցած հանդիպումը։
Աուտտոն նշել է, որ Ջենկինսը հատուկ ընդգծել և հաստատել է, որ բրիտանական միջուկային զենքը ապագայում հիմք կծառայի նաև JEF-ի նոր ստորաբաժանումների զսպման կարողությունների համար։
Նրա կարծիքով՝ Ֆինլանդիայի և JEF-ի անդամ երկրների պաշտպանության ամրապնդման տեսանկյունից առանցքային նշանակություն ունի այն հանգամանքը, որ «Միացյալ արշավախմբային ուժերի» այս նոր մարտական ստորաբաժանումների տեղակայումը չի պահանջի Հյուսիսատլանտյան պայմանագրի 5-րդ հոդվածի կիրառում, ինչպես նաև դրանց գործունեությունը բացառապես կախված չի լինի ՆԱՏՕ-ի միջուկային պաշտպանության համակարգից։
Բաց մի թողեք
Երկրից «փախած» գլխավոր դատախազին հեռացրեց Ազգային անվտանգության խորհրդից․ Լուսանկար
Նիդերլանդներում էվթանազիայի ենթարկված անբուժելի հիվանդ երեխան մեկ տարեկան էր. հայտնում է կառավարությունը
Հաքերները գողացել են Պենտագոնի շուրջ 3 միլիոն աշխատակցի տվյալներ․ ABC