Ֆրանսիայում ավելի քան 160 մարդ է ձերբակալվել կրթական պայմանների վերաբերյալ ավագ դպրոցների աշակերտների բողոքի ցույցերի ժամանակ:
Այս մասին հայտարարել է Ֆրանսիայի ներքին գործերի նախարար Լորան Նունյեսը։
Փարիզի տարածաշրջանի ավագ դպրոցի աշակերտները արդեն մեկ շաբաթ է, ինչ բողոքի գործողություններ են իրականացնում իրենց դպրոցների դիմաց՝ դժգոհելով գերծանրաբեռնված դասացուցակներից, ուսուցիչների պակասից և կրթության ոլորտում առկա այլ խնդիրներից։
Երբեմն ցույցերը ուղեկցվել են անկարգություններով, հրկիզումներով և իրավապահ մարմինների հետ բախումներով։
«Այսօր կատարվել են զգալի թվով ձերբակալություններ (164 մարդ)»,- BFMTV-ի եթերում ասել է նախարարը։
Ներքին գործերի նախարարի խոսքով՝ բողոքի ցույցեր են տեղի ունեցել գրեթե 180 ուսումնական հաստատություններում, որոնց մեծ մասը գտնվում է Փարիզի տարածաշրջանում։ Բողոքի ցույցեր են նկատվել նաև մի քանի խոշոր քաղաքներում, ինչպիսիք են Լիլը, Լիոնը, Գրենոբլը և Նիսը։
Նունյեսը մանրամասնել է, որ ուսանողները ընդհանուր առմամբ արգելափակել են 27 ուսումնական հաստատություն՝ պահանջելով իրավապահ մարմինների միջամտություն և փորձել են արգելափակել ևս 50 դպրոցի մուտքը։ Այլ հաստատությունների մոտ գրանցվել են տարբեր միջադեպեր, այդ թվում՝ վնասներ և ոստիկանների վրա հարձակումներ։
Ներքին գործերի նախարարության ղեկավարը հայտնել է, որ նախնական տվյալներով՝ վիրավորվել են 12 իրավապահ մարմինների աշխատակիցներ, ութ ուսուցիչ, այդ թվում՝ երեք տնօրեն և մոտավորապես 12 աշակերտ։
Բաց մի թողեք
Միացյալ Թագավորությունը Ֆինլանդիային միջուկային պաշտպանություն է առաջարկում
Երկրից «փախած» գլխավոր դատախազին հեռացրեց Ազգային անվտանգության խորհրդից․ Լուսանկար
Նիդերլանդներում էվթանազիայի ենթարկված անբուժելի հիվանդ երեխան մեկ տարեկան էր. հայտնում է կառավարությունը