Ալեքսանդր Սիրունյանը հրաժարվել է ԲԴԽ անդամի թեկնածությունից: Անձի բարեվարքության հետ կապված որոշ բաներ են պարզել և խնդրել հանել թեկնածությունը:
«Հայաստան» խմբակցության պատգամավոր Ագնեսա Խամոյանը, ով հարցի քննարկման ժամանակ ներկայացրել էր Ալեքսանդր Սիրունյանի «փառավոր» անցյալից հետաքրքիր դրվագներ, թե վերջինս ինչպես է ատելության խոսք տարածում արցախցիների նկատմամբ և այլ ուշագրավ մանրամասներ, որոնք հարցականի տակ են դնում նրա որևէ պաշտոն զբաղեցնելու հեռանկարը, ասաց, որ ՔՊ-ական Սիրունյանի այդ «մեծահոգի» քայլը միեւնույն է հարցեր է թողնում. «Այս քայլը չի պարզաբանում այն, թե ինչպես էր ՔՊ-ն դատավորների բարեվարքությունը ստուգող, դատավորների անկախությունն ապահովող սահմնադրական անկախ մարմնի անդամի թափուր տեղի համար Աժ ներկայացրել սոցիալական ցանցերում բացառապես հայհոյանքներով ու վիրավորանքով հաղորդակցվող կուսակցի թեկնածությունը, ով պարզվում է նաեւ կոռուպցիոն սկանդալների մեջ է ներքաշված. առնվազն նման կասկածներ կան»:
Ընդդիմության քննադատության մասով էլ հավելեց, որ իրենք հանրությանը ցույց են տվել, թե ով է իշխող ուժի թեկնածուն, ինչպիսի արժեհամակարգ ունեցողին են տեսնում արդարադատություն իրականացնողի դերում։
«Ուրիշ բաներ են պարզվել՝ բարեվարքության թերթիկի հետ կապված բաներ»,- ասացին մեզ ՔՊ-ից։
Փաստորեն, ընդդիմության ու իրավապահ հանրույթի կողմից բարձրացված աղմուկից հետո միայն, ՔՊ-ն որոշեց փորփրել Սիրունյանի բարեվարքությունն ու ԲԴԽ անդամի պաշտոնի հետ անհամատեղելի բաներ հայտնաբերել դրանցում։
ՔՊ-ում ոչ բոլորն էին, իրականում, կողմ Սիրունյանի թեկնածությանը, չնայած որ նա մոլի ՔՊ-ական էր ու պաշտում էր Նիկոլ Փաշինյանին, ԲԴԽ-ում ևս, մեր տեղեկություններով, ոգևորված չէին Սիրունյանի մոտալուտ գալուստով և նրան առանձնապես չէին սպասում, և հիմա ուրախացել են, որ Սիրունյանը հրաժարվել է թեկնածությունից։
Բաց մի թողեք
Ուզում եք Պեպսիի խցանի տակ թաքնվեք, ուզում եք «Զինեբոյի» երգչի՝ ձեր ականջները մեծ են ու ճանաչելի. Լուսանկար
Այդ թեզը տարածող գործիչները մատնում են ընտրությունները կեղծելու այն եղանակները, որոնք տարիներ շարունակ կիրառել են իրենք․ պատասխան Մարտուն Գրիգորյանին
… եթե դուք անում եք ճիշտ նույն բանը, ինչ անում էին «նախկինները»