Երևանի «Ոսկե ծիրան» կինոփառատոնի GAIFF Pro արտադրության և ֆինանսավորման հարթակն ընդունում է հայտադիմումներ այս տարվա համար։
GAIFF Pro-ն այս տարի տեղի կունենա կինոփառատոնի շրջանակում՝ հուլիսի 14-18-ը։ Արտադրական հարթակը ներկայացնելու է 17 նախագծեր արտադրության տարբեր փուլերում։ Մասնակիցները ցուցադրելու են իրենց աշխատանքը միջազգային ֆինանսիստներին, դիստրիբյուտորներին և պոտենցիալ համաարտադրողներին:
Բացի այդ, ընտրված նախագծերը հնարավորություն կունենան մասնակցելու սեմինարների և անհատական հանդիպումներին, որոնք նախատեսված են արագացնելու դրանց զարգացումը: Դիմելու վերջնաժամկետը ապրիլի 30-ն է։
Short Cuts Nest կարճամետրաժ նախագծերի արտադրության հարթակը ևս բաց է հայտադիմումների համար մինչև մայիսի 15-ը։ Հայկական հինգ կարճամետրաժ ֆիլմեր կընտրվեն՝ մասնակցելու հարթակի աշխատանքին ու ստանալու հատուկ մրցանակ Կինոկետի կողմից։
Հիշեցնենք, որ Երևանի «Ոսկե ծիրան» 22-րդ միջազգային կինոփառատոնն այս տարի տեղի կունենա հուլիսի 13-20-ը։ Այս տարի ևս միջազգային կինոտոնը հանրությանը կներկայացնի մրցութային կինոնկարներ աշխարհի տարբեր երկրներից, ինչպես նաև ֆիլմեր ամենահեղինակավոր (Կաննի, Բեռլինի և այլն) կինոփառատոններից:
Հայաստան կժամանեն կինոյի համաշխարհային դեմքեր, ովքեր իրենց փորձն ու արվեստը կներկայացնեն կինոսերներին։ Փառատոնի վերաբերյալ այլ մանրամասներ հանրությանը կներկայացվեն ավելի ուշ։
Բաց մի թողեք
Փոքրիկ Իշխանի մոլորակից դեպի մարդու սիրտը․ Ներկայացումը՝ Դրամատիկական թատրոնում․ Լուսանկարներ
Սալոնիկի սիմֆոնիկ նվագախմբի կողմից Խաչատրյանի դաշնամուրի կոնցերտի փայլուն կատարումը՝ նվիրված Հայոց ցեղասպանության զոհերի հիշատակին
Կինոյի այնպիսի մի հրաշք, որի հայացքում միաժամանակ ապրում են կրակն ու խոցելիությունը