Ամերիկյան Grateful Dead ռոք խմբի հիմնադիր անդամներից կիթառահար Բոբ Ուեյրը մահացել է 78 տարեկան հասակում։ Այս մասին հայտնել է նրա ընտանիքը։
Մահվան պատճառը թոքերի հիվանդության հետ կապված բարդություններն էին։
«Նա հեռացավ խաղաղությամբ՝ սիրելիներով շրջապատված, քաղցկեղը քաջաբար հաղթահարելուց հետո՝ այնպես, ինչպես միայն Բոբբին կարող էր», – ասվում է նրա Instagram-ի էջում տեղադրված գրառման մեջ։
Grateful Dead-ը ձևավորվել է 1965 թվականին։ Խմբի ոճը համատեղում էր ռոքը, ֆոլկը, բլյուզը և քանթրին։ Ուեյրն ինքը յուրահատուկ ռիթմ կիթառահար էր, որը հազվադեպ էր սոլո նվագում՝ նախընտրելով ստեղծել ակորդների սեփական ոճը, որը լրացնում էր խմբի մյուս համահիմնադիր Ջերի Գարսիայի կիթառային էքսպերիմենտները։
1994 թվականին Grateful Dead-ը ընդգրկվեց Ռոքնռոլի փառքի սրահում, իսկ 2007 թվականին նրանք ստացան Գրեմմի մրցանակ՝ կյանքի ընթացքում ունեցած նվաճումների համար։ Խումբը պաշտոնապես լուծարվեց 1995 թվականին՝ համահիմնադիր Ջերի Գարսիայի մահից հետո։
Բաց մի թողեք
Լոս Անջելեսում տեղի է ունեցել «Ոսկե գլոբուս» 83-րդ մրցանակաբաշխությունը
Վիեննական ամանորյա գալա համերգը Երևանում․ ոճ, ավանդույթ, շունչ․ համեմատական Վիեննայի և Հայաստանի միջև
Նա բեմադրել էր իր առևանգումը. մի քանի զարմանալի պատմություն Ագաթա Քրիստիի մասին․ Լուսանկարներ