Երևանի քաղաքապետարանի ենթակայությամբ գործող հիմնական դպրոցներում դասապրոցեսը ընթանում է բնականոն հունով։
Այս մասին տեղեկացրեց Երևանի քաղաքապետի մամուլի խոսնակ Հայկ Կոստանյանը՝ անդրադառնալով «Տելեգրամ» ալիքներով տարածվող տեղեկատվությանը, թե Երևանի դպրոցներում ահաբեկչություն է նախապատրաստվում։
Ըստ նրա՝ որոշ դպրոցներում ծնողներն իրենց նախաձեռնությամբ երեխաներին տարել են տուն։ «Տելեգրամ» ալիքներով տարածվող տեղեկատվությունն ուսումնասիրվում է:
Ավելի վաղ ՀՀ ԿԳՄՍ նախարարությունից «Հայկական ժամանակ»-ին հայտնել էին, որ Երևանի դպրոցներում դասապրոցեսը բնականոն հունով ընթանում է, անհանգստանալու հիմքեր չկան։
Հիշեցնենք՝ տեղեկատվական անվտանգության փորձագետ Արթուր Պապյանը ևս զգուշացրել է, որ տարածվող տեղեկատվությունը կեղծիք է:
Տեղեկատվական անվտանգության մասնագետ Սամվել Մարտիրոսյանն էլ նշել է, որ ահաբեկչության մասին կեղծ լուրերի հետևում այլ երկրների հատուկ ծառայություններն են:
Բաց մի թողեք
Արմավիրում քոլեջի մանկավարժ Լուսինե Գրիգորյանը հրահանգում է սաներին մասնակցել ՔՊ-ի ոչ քաղաքական հանդիպմանը․ Ձայնագրություն
Դիլիջանի քոլեջի տնօրենին պարտադրում են ազատման դիմում գրել` ի պաշտպանություն ստորագրահավաք
Ձերբակալություններ՝ Բրյուսովի համալսարանից․ ի՞նչ է պատճառը