«Բարձրագույն կրթության եւ գիտության մասին» օրենքի նախագծի խորհրդարանական լսումների ժամանակ ԿԳՄՍ նախարար Ժաննա Անդրեասյանը տեղեկացրել է, որ բարձրագույն ուսումնական հաստատության առանձին տարատեսակ է սահմանվել հետազոտական համալսարանը, որը, բուհական կրթությանը զուգահեռ, ապահովելու է հետազոտական մեծ բաղադրիչ:
Համաձայն օրենքի՝ վերասահմանվել են նաեւ բուհերի գործառույթները, հաշվետվողականության, որոշումների կայացման թափանցիկության պահանջները, ինչպես նաեւ՝ ֆինանսական ինքնավարության սահմաններն ու դրա երաշխիքները: Նախատեսվում է բուհի առանձին կարգավիճակի սահմանում նաեւ ոչ առեւտրային բնույթի պահանջի ներդրմամբ:
«Օրենքով ուշադրություն է դարձվում լիցենզավորմանն ու հավատարմագրմանը՝ որպես բարձրագույն կրթության ոլորտում որակյալ ծառայության մատուցումը երաշխավորող պետական գործիքներ:
Ներմուծվել է լիցենզավորման նոր տեսակ՝ բուհի լիցենզավորում, որը հանդիսանում է բուհական գործունեություն իրականացնող մուտքային լիցենզիա, որով կսահմանվեն բուհին ներկայացվող հիմնական պահանջները՝ սկսած շենքային, գույքային պահանջներից մինչեւ ակադեմիական կազմի պահանջներ:
Կարեւորելով բարձրագույն կրթության ոչ միայն դասավանդման եւ ֆորմալ բաղադրիչը, այլեւ ուսանողի ամբողջական փորձառությունը բուհական համակարգում՝ բուհական կրթության իրավունքի համար անհրաժեշտ կլինի ներկայացնել ենթակառուցվածքներ, որոնք հնարավորություն կտան ներգրավելու առնվազն 4 հազար ուսանողների, ինչով կլուծվի փոքր եւ ոչ կենսունակ բուհերի խնդիրը»,- նշել է ԿԳՄՍ նախարարը:
Բաց մի թողեք
Սեպտեմբերի 15-ից դպրոցականների գրաֆիկը փոխվում է
Ի՞նչ կփոխվի վարորդական իրավունք ստանալիս․ տեսական քննության հարցաշարից մինչև լիցենզավորված դպրոցներ
Ադրբեջանցի երեխաներին հավաքել, պատմել են, որ Հայաստանը իրենց «պատմական հողն է»