Հայ մանկական ուռուցքաբան և հեմատոլոգ, պրոֆեսոր Գևորգ Թամամյանը պաշտոնապես ընդգրկվել է Առողջապահության համաշխարհային կազմակերպության (ԱՀԿ) կողմից՝ որպես ԱՀԿ-ի գլխավոր տնօրենի պաշտոնի թեկնածու։
Նա Հայաստանի պատմության մեջ առաջին ներկայացուցիչն է, ով հավակնում է այդ պաշտոնին։
Ընտրությունները տեղի կունենան 2027 թվականի մայիսին։ Այդ պաշտոնի համար կպայքարեն նաև Կատարի, Իսպանիայի և Ինդոնեզիայի ներկայացուցիչները, նաև հենց ԱՀԿ-ի երկու ներկայացուցիչ։
«Ինձ համար պատիվ է հայտարարել Բոտսվանայի Հանրապետության կողմից Առողջապահության համաշխարհային կազմակերպության (ԱՀԿ) գլխավոր տնօրենի պաշտոնում իմ թեկնածության առաջադրման մասին։
Ես խորապես շնորհակալ եմ նախագահ փաստաբան Գիդեոն Բոկոյին և Բոտսվանայի կառավարությանը վստահության համար։
Բոտսվանան աշխարհին ցույց է տվել, թե ինչի կարող է հասնել վճռական ազգային ղեկավարությունը՝ առողջապահական արտակարգ մարտահրավերների առջև։ Ինձ համար պատիվ է առաջադրվել այնպիսի երկրի կողմից, որն ունի դիմադրողականության և առաջընթացի այդքան հզոր պատմություն»,- գրել է Թամամյանը։
Բժիշկը նաև նշել է․ «Իմ տեսլականը հստակ է. Առողջապահության համաշխարհային կազմակերպություն, որը կապահովի արդյունքներ՝ ավելի արագ, ավելի արդյունավետ և անդամ պետությունների հետ իրական գործընկերությամբ, որպեսզի առողջապահության ոլորտում առաջընթացը հասնի յուրաքանչյուր մարդու, ամենուրեք։ Ինձ համար նաև պատիվ է կանգնել նման ականավոր թեկնածուների կողքին, որոնցից յուրաքանչյուրը կարևոր փորձ և հեռանկարներ է բերում այս գործընթացին։
Առաջիկա ամիսներին ես անհամբեր սպասում եմ լսել և համագործակցել անդամ պետությունների հետ աշխարհի բոլոր տարածաշրջաններում»։
Բաց մի թողեք
Արտակարգ իրավիճակ Այգեստան գյուղի դպրոցում․ Վատացել է 6 երեխայի ինքնազգացողություն
Դեղագործական ոլորտը մտահոգված է ԵՄ-ում շուկա դուրս գալու կանոններով և ԱՄՆ-ի դեղամիջոցների քաղաքականության հետ հնարավոր բախմամբ
«Վագա ֆարմ»-ն անդրադարձել է Երևանի քաղաքապետարանի ստուգումներին