Նիկոլ Փաշինյանը հայցադիմում է ներկայացրել Երևան քաղաքի առաջին ատյանի ընդհանուր իրավասության դատարան՝ ընդդեմ «Ուժեղ Հայաստան» խմբակցության պատգամավոր Էդգար Ղազարյանի։
Վարչապետը հայցադիմումում պահանջում է, որ Ղազարյանը հերքի իր հասցեին զրպարտություն համարվող հայտարարությունները և վճարի 6 մլն դրամ փոխհատուցում։
Մասնավորապես, Փաշինյանը պահանջում է հերքել Ղազարյանի՝ 2026 թվականի սեպտեմբերի 27-ի հարցազրույցում հնչեցրած այն տեղեկությունը, թե 2020թ.-ի հոկտեմբերի 6-ից հետո Ադրբեջանի առաջխաղացումը և պաշտպանական բնագծի ճեղքումը սկսվել են այն բանից հետո, երբ Նիկոլ Փաշինյանը մեկնել է Ստեփանակերտ, այնտեղ խորհրդակցություն անցկացրել հրամանատարաշտաբային կետում, վերադարձել և սկսել է թշնամուն ուղիղ տեղեկություններ տալ։
Հայցով Փաշինյանը պահանջում է, որ Ղազարյանը հայտարարի, թե այդ տեղեկություններն ամբողջությամբ սուտ են, չեն համապատասխանում իրականությանը և զրպարտում են ՀՀ վարչապետ Նիկոլ Փաշինյանին։
Փաշինյանը նաև պահանջում է, որ հերքումը չպարունակի Ղազարյանի կամ որևէ երրորդ անձի լրացուցիչ մեկնաբանություն և սահմանափակվի բացառապես հերքման տեքստով։
Դատական գործի վերաբերյալ հրապարակված տեղեկությունների համաձայն՝ վարչապետը պահանջում է պատգամավորին պարտավորեցնել հրապարակայնորեն հերքել 2026 թվականի սեպտեմբերի 27-ին հարցազրույցի ընթացքում իր վերաբերյալ արած հայտարարությունը։
Խոսքը 2020 թվականի պատերազմի ընթացքում տեղի ունեցած իրադարձությունների վերաբերյալ Էդգար Ղազարյանի պնդման մասին է։ Պատգամավորը հայտարարել էր, որ Ադրբեջանի ռազմական առաջխաղացումն ու հայկական պաշտպանական գծի ճեղքումը սկսվել են հոկտեմբերի 6-ից հետո՝ Նիկոլ Փաշինյանի՝ Ստեփանակերտ այցելությունից և այնտեղ հրամանատարաշտաբային կետում խորհրդակցություն անցկացնելուց հետո։ Ղազարյանը նաև պնդել էր, որ այդ այցից հետո Փաշինյանը սկսել է հակառակորդին ուղղակի տեղեկություններ փոխանցել։
Փաշինյանը հայցում այս պնդումները համարում է իրականությանը չհամապատասխանող և զրպարտչական՝ պահանջելով դրանց հրապարակային հերքում։
Հայցվորը դատարանից խնդրում է պարտավորեցնել Ղազարյանին հերքումը տարածել «Նյուզ Էյ Էմ» լրատվական ընկերության միջոցով՝ ուղիղ եթերում և տեսաձայնագրման եղանակով։
Բացի հայտարարության հերքումից, Նիկոլ Փաշինյանը նաև պահանջում է Էդգար Ղազարյանից բռնագանձել 6 մլն դրամ՝ որպես փոխհատուցում։
Հայցը դատարան է ներկայացվել 2026թ.-ի հոկտեմբերի 1-ին։


Բաց մի թողեք
Դատավորներ Մասիս Մելքոնյանի և Գևորգ Պողոսյանի նկատմամբ քրհետապնդում է հարուցվել, սահմանվել խափանման միջոց
«Վայոց ձոր» ԲԿ-ում հիվանդի հարազատը վիճել է, ծեծկռտուք սկսել․ տուժել է բժիշկներից մեկը
Եղեգնաձորում 14 և 15 տարեկան աղջիկները հարվածներ են հասցրել 3 անչափահաս աղջիկների