Ազգային ժողովի նիստի ընթացքում «Ուժեղ Հայաստան» խմբակցության պատգամավոր Հայկ Ֆարմանյանը քննադատել է իշխանությունների արտաքին քաղաքական մոտեցումները և ընտրություններից հետո ստեղծված իրավիճակը։
Նրա խոսքով՝ նախընտրական ամբողջ քարոզարշավը կառուցված է եղել հակառուսական ուղերձների շուրջ, իսկ իշխանությունն այսօր կանգնած է լեգիտիմության խնդրի առաջ։ Պատգամավորը նաև պնդել է, որ շուրջ 60 հազար ձայն փաստացի անտեսվել է, ինչի հետևանքով, ըստ նրա, չպետք է զարմանալի լինի, որ Ռուսաստանի ղեկավարությունը չի շնորհավորել Հայաստանի վարչապետին։
Ֆարմանյանը նաև անդրադարձել է իշխանությունների՝ ինքնիշխանության մասին հայտարարություններին՝ նշելով, որ դրանք չեն համընկնում գործնական քայլերի հետ։ Նրա գնահատմամբ, եթե իշխանություններն իսկապես առաջնորդվում են ինքնիշխան քաղաքականությամբ, ապա անհասկանալի է, թե ինչու է վարչապետը փորձել հանդիպում նախաձեռնել Ռուսաստանի վարչապետ Միխայիլ Միշուստինի հետ, ինչպես նաև հեռախոսազրույց է ունեցել ՌԴ նախագահ Վլադիմիր Պուտինի հետ, որոնք, պատգամավորի խոսքով, ցանկալի արդյունք չեն տվել։
Բաց մի թողեք
Ասեմ՝ որն է ամենավտանգավորը
Իշխանական արտոնյալների ինստիտուտը և ՆԳՆ-ի համակարգային կաթվածը՝ Կոնջորյանի մասնակցությամբ միջադեպի հետևում
3-4 տարեկանում մտել եք սրճարան, հաստավիզ ախրաննիկներ են եղե՞լ