Ճշմարտությունը այն է, որ Նաթանյահուի կառավարությունը նպատակ ունի մարդկության ընդհանուր օրակարագից բացառել Պաղեստինը՝ շահ քաղելով քաոսից և տարածաշրջանի նոր հակամարտություններից։
Բայց ինչ էլ որ նրանք անեն, դա նրանց չի հաջողվի։ Օգոստոսի 12-ին հայտարարել է Թուրքիայի նախագահ Էրդողանը՝ Պաղեստինի ազգային վարչակազմի ղեկավար Մահմուդ Աբասի հետ բանակցություններից հետո։
Ինչպես հայտնել է «Անադոլուն», Էրդողանը Մահմուդ Աբասին ընդունել է «նախագահին պատշաճ արարողակարգով»։ Նախօրեին միջազգային լրատվամիջոցները սևեռվել են Իսրայելի վարչապետ Նաթանյահուի «քանի դեռ ես վարչապետ եմ, Պաղեստինի անկախ պետություն չի լինի» հայտարարության ենթատեքստին և եզրակացրել, որ նա խորհրդարանական ընտրություններին ընդառաջ «նույնիսկ մերժել է Գազայում կարգավորման ամերիկյան առաջարկությունները»։
Պաղեստինի ազգային վարչակազմը նույնպես նախապատրաստվում է խորհրդարանական ընտրությունների։ Եկող տարի կանցկացվեն նաեւ «նախագահական ընտրություններ»։
Ողջունելով Մահմուդ Աբասի այդ որոշումը, Էրդողանը հույս է հայտնել, որ պաղեստինյան ընտրությունները կնպաստեն «միասնականության ամրապնդմանը»։
Պաղեստինի հարցում Թուրքիայի մոտեցումը մնում է անփոփոխ, մինչդեռ Իսրայելը շարունակում է Հորդանանի արևմտյան ափին հրեա վերաբնակիչների ավանների կառուցումը և մտադիր չէ Գազայից հեռանալ։
Իրանա-ամերիկյան պատերազմը, կարծես, բացահայտել է, որ ԱՄՆ-ը ամենազոր չէ, և Անկարան ու Երուսաղեմը ձգտում են իրավիճակից առավելագույնը շահել։
Դա վտանգավոր է, որովհետև մի պահի կողմերը կարող են գնալ ռազմական ուղղակի կամ «պրոքսի» բախման։ Մանավանդ որ Թուրքիայի նախագահը նախօրեին հայտարարել է «ողջ տարածաշրջանը անվտանգային միասնական համակարգում միավորելու» մտադրության մասին։
Առայժմ դա միայն գաղափար է, բայց դրա գոնե հիմնական մասով իրականցումը ոչ ոք չի կարող բացառել։
Բաց մի թողեք
Գյումրու ավագանու ՔՊ խմբակցությունն ահազանգում է՝ նորմալ չեն շահագործվում քաղաքի երգող շատրվանները
ԱՄՆ-Իրան դիմակայության պայմաններում TRIPP-ի իրագործումն անվտանգային սպառնալիք է ՀՀ-ի համար
Ադրբեջանը և Իրանը տեւական ժամանակ է՝ քննարկում են «Արաքսի միջանցք» ծրագիրը