«Հայաստան» խմբակցության պատգամավոր Աղվան Վարդանյանը գրում է․
«Նախորդ քառօրյայում՝ սեպտեմբերի 15-ին，առաջարկ-հայտարարություն էի արել։ Նպատակն էր ձեւավորել ԱԺ պատգամավորական պատվիրակություն եւ մեկնել Բաքու։ Նույն օրը պաշտոնական դիմում էի ուղարկել ԱԺ նախագահ Ռուբեն Ռուբինյանին։ Տեղադրում եմ ստորեւ.
ՀՀ ազգային ժողովի նախագահ
պարոն Ռուբեն Ռուբինյանին
Հարգելի պարոն Ռուբինյան,
Առաջարկում եմ ձևավորել պատգամավորական պատվիրակություն և գործուղել Բաքու։
Պատվիրակությունը առաջարկում եմ ձեւավորել հետեւյալ համամասնությամբ՝
«Քաղաքացիական պայմանագիր» խմբակցությունից՝ հինգ պատգամավոր, «Ուժեղ Հայաստան» խմբակցությունից՝ երեք պատգամավոր, «Հայաստան» դաշինքից՝ երկու պատգամավոր։
Պատվիրակության գործուղման նպատակը՝
1. Հանդիպել Ադրբեջանում պատանդի կարգավիճակում պահվող Արցախի Հանրապետության ռազմաքաղաքական ղեկավարության ներկայացուցիչներին և առնվազն մյուս տասնմեկ ՀՀ քաղաքացիներին։
2. Ծանոթանալ նրանց պահման պայմաններին և առողջական վիճակին։
3. Ստանալ նրանց դատավճիռները։
4. Հանդիպել Ադրբեջանի մարդու իրավունքների պաշտպանին։
5. Առաջարկում եմ փորձել հանդիպել Ադրբեջանում Միացյալ Նահանգների，Ֆրանսիայի，Ռուսաստանիդեսպաններին։
Պատվիրակության ղեկավարումը ստանձնեք Դուք։ Կազմակերպման հարցում փորձեք օգտագործել Արտաքին գործերի նախարարության խողովակը։
Անհնարինության դեպքումՙ առաջարկում եմ մեկնել Բաքու Վրաստանով՝ մեքենաներով, միջազգային ինֆորմացիոն ուղեկցությամբ։
Սեպտեմբերի 18-ին կարճառոտ պատասխան եմ ստացել ԱԺ նախագահից՝ «ընդունվել է ի գիտություն»։
Սա է ամենը, ինչ պետք է իմանալ եւ առնել ի գիտություն այս իշխանության Ադրբեջանից ունեցած դողէրոցքի մասին»։
Բաց մի թողեք
Ինչ է կատարվում երկրի հետ՝ Փաշինյանական բեմի կուլիսներում. Պետք չէ մարդկանց մեղադրել տոնի համար
Ահա, թե իրականում ինչ է ուզում անել Բաքուն. Լվանալ Ալիևի ձեռքերը, հավասարապես հանցակցություն է
«Հայաստանի վաղվա օրը» ձևավորվում է այսօր․ պետք է հասկանալ՝ ո´ւր է գնում Հայաստանը