Մայիսի 9-ին Արցախին նվիրված մշակութային միջոցառում է տեղի ունեցել Երևանի «Նաիրի» կինոթատրոնում:
Ներկայացվել է արցախցիների բռնի տեղահանության մասին պատմող առաջին ֆիլմը՝ «Հիշում եմ քո ձայնը»:
Հեղինակներ Նիկոլայ Մելիքյանն ու Արայիկ Սարգսյանը ներկայացնում են վեց միահյուսված պատմություններ՝ 2023-ի սեպտեմբերի 19-ի պատերազմից մինչև տեղահանություն։ Ֆիլմի երևանյան նախորդ երկու ցուցադրությունները տեղի են ունեցել Կինոյի տան մեծ դահլիճում։
Վերաբացված «Նաիրի» կինոթատրոնում տեղի ունեցած ցուցադրությանը ևս ներկա են եղել քաղաքական, հասարակական գործիչներ, արվեստագետներ և շարքային քաղաքացիներ: Նրանք այսօր դիտել են որդու շիրմաքարը տան հյուրասենյակում խնամքով պահող Անժելայի, ծնողներին բենզինի պայթյունի ժամանակ կորցրած Էլենի, ադրբեջանական գերության մեջ հայտնված Գայանեի և մյուսների պատմությունները:
Գլխավոր հերոսին մարմնավորում է Արցախից տեղահանված Մարտին Ալոյանը: Հենց նա է անցնում տեղահանության ճանապարհը՝ Արման Էլբերտի երաժշտության ներքո: Իսկ վերջաբանը կարդում է Բաբկեն Չոբանյանը: Առաջիկայում ցուցադրություններ են լինելու թե՛ Հայաստանում, թե՛՝արտերկրում՝ ԱՄՆ-ից մինչև Իտալիա:
Բաց մի թողեք
Հայրենյաց գյուղը սգում է. 23-ամյա զինծառայող էր կյանքից հեռացել
Հայաստանը կրկին դառնում է շախմատային էպիկենտրոն
Աշունն արդեն իրեն զգացնել կտա. ջերմաստիճանը կնվազի 5-7, այնուհետև ևս 4-5 աստիճանով. Սուրենյան