ՀՀ քննչական կոմիտեի հատկապես կարևոր գործերի քննության գլխավոր վարչության մարդու դեմ ուղղված հանցագործությունների քննության վարչությունում ավարտվել է Ռ. Ս.-ի (Ռուստամ Ստեփանյան՝ «Չաղ Ռուստամ»-խմբ.) հոր սպանության դեպքի առթիվ նախաձեռնված քրեական վարույթի նախաքննությունը:
«Նախաքննության ընթացքում առերևույթ փաստական տվյալներ են ձեռք բերվել այն մասին, որ 2025 թվականի դեկտեմբերի 31-ին Կոմիտասի պողոտայի 44 շենքի բակում անհայտ անձը տարբեր հրազեններով կրակոցներ է արձակել «Տոյոտա» մակնիշի ավտոմեքենայի վարորդ Ռ. Ս.-ի ուղղությամբ և դիմել փախուստի, ինչի հետևանքով վերջինս տեղափոխվել է հիվանդանոց և ստացած հրազենային վնասվածքներից մահացել։
Քրեական վարույթի շրջանակում իրականացված մեծածավալ վարութային և ապացուցողական գործողությունների, ինչպես նաև ձեռնարկված օպերատիվ-հետախուզական միջոցառումների արդյունքում պարզվել է, որ Ռ. Ս-ի սպանությունը Ա. Խ.-ի օժանդակությամբ կատարել է դատապարտված Ա. Ս.-ն:
Քննիչի միջնորդության հիման վրա հսկող դատախազը Ա. Ս.-ի նկատմամբ հարուցել է հանրային քրեական հետապնդում՝ Քրեական օրենսգրքի 155-րդ հոդվածի 1-ին մասով (սպանությունը), 335-րդ հոդվածի 1-ին մասով (հրազենի և ռազմամթերքի ապօրինի շրջանառությունը) և 264-րդ հոդվածի 1-ին մասով (գույքը ոչնչացնելը կամ վնասելը), իսկ Ա. Խ.-ի նկատմամբ՝ 46-155-րդ հոդվածի 1-ին մասով (սպանությանն օժանդակելը):
Ա. Ս.-ի նկատմամբ որպես խափանման միջոց կիրառվել է կալանքը, իսկ Ա. Խ.-ի վերաբերյալ կայացվել է կալանավորման որոշում, և հայտարարվել հետախուզում:
Ա. Ս.-ի վերաբերյալ քրեական վարույթը մեղադրական եզրակացությամբ ուղարկվել է հսկող դատախազին»,- ասվում է ՔԿ-ի հաղորդագրության մեջ:
Բաց մի թողեք
Երևանում թմրամիջnց պահելու դեպքեր են բացահայտվել
Հերթը Ծառուկյանինն է. անձեռնմխելիությունից զրկելու միջնորդություն է ներկայացվել ԿԸՀ
Դատավորներ են ազատվել ու նկատողություն ստացել. Լուսանկարներ