Կազանի բնակիչ Արամ Ամիրխանյանը, ով Նաբերեժնիե Չելնիի (Թաթարստան, ՌԴ-Խմբ.) «Ադրենալին» ֆիթնես ակումբում կրակել էր բռնցքամարտի մարզիչ Վլադիմիր Տերենտևի վրա, կալանքի տակ կմնա մինչև 2025 թվականի փետրվարի 25-ը։
Այս մասին հայտնում է քաղաքային դատարանի մամուլի ծառայությունը, որտեղ կասկածյալի նկատմամբ խափանման միջոց է ընտրվել։ Նշվում է, որ նրան տեղափոխել են քննչական մեկուսարան:
Հիշեցնենք, որ միջադեպը տեղի է ունեցել սպորտային ակումբում, որը գտնվում է Չելնիի 38-րդ համալիրում։ Այն ֆիքսել է հսկման տեսախցիկը։ Կադրերում երևում է, թե ինչպես է Ամիրխանյանն «Ադրենալին»-ի ելքի կողմը գնալով՝ ատրճանակն ուղղում դեպի ընդունարանի մոտ կանգնած Տերենտևը։ Դրանից հետո կրակոց է հնչում։
Մարզիչը, ով վիրավորվել էր ոտքից, տեղափոխվել է տեղի շտապօգնության հիվանդանոց։ Որոշ ժամանակ անց կրակողին բերման են ենթարկել։ Նրա նկատմամբ քրեական գործ է հարուցվել դիտավորությամբ առողջությանը ծանր վնաս պատճառելու և ապօրինի զենք-զինամթերք ձեռք բերելու հոդվածներով։
Ինչպես հայտնում են քաղաքային դատարանի մամուլի ծառայությունից, Ամիրխանյանն ընդունել է մեղքը։ Հայազգի կազանցին քննիչներին բացատրել է, որ ատրճանակն ու փամփուշտները հայտնաբերել դեռ 2021 թվականին, Թաթարստանի մայրաքաղաքում։ Ամիրխանյանը նշել է, որ այդ օրվանից այդ ամենը պահել է իր մոտ:
Բաց մի թողեք
Ինչպես են սմարթֆոնները կոտրել բրիտանական քաղաքականությունը։ Ինչո՞ւ են Մեծ Բրիտանիայի վարչապետները անընդհատ ընկնում
«Էրդողանը վերջին մարդն է, որը կարող է Իսրայելին բարոյականության դասեր տալ». Նեթանյահու
ԱՄՆ-ն հայտարարել է Իրանի ուղղությամբ հզոր հարվածների մասին. իրանական զորքերը բերվել են մարտական վիճակի