ՌԴ պետդումայի խոսնակ Վոլոդինը Հայաստանում ներքաղաքական իրավիճակը համեմատել է «նախամայդայնային» Ուկրաինայի հետ։
Հայաստանյան տասնյակ լրատվամիջոցներ բառ առ բառ մեջբերել են Վոլոդինին։ Մեկը նույնիսկ հրապարակումը վերնագրել է «Ռուսաստանը պաշտոնական վերջնագիր ներկայացրեց»։
Ո՞վ է Վյաչեսլավ Վոլոդինը։ Նրա մասին The Insider Russia-ի աշխատակից Սերգեյ Կանևը ֆեյսբուքյան գրառում է կատարել։ Ըստ այդմ, 2014 թվականին ՌԴ Անվտանգության դաշնային ծառայությունը ձեռնամուխ է եղել այն Վլադիմիր Պուտինի աշխատակազմի ղեկավարի տեղակալ Վոլոդինի «մշակմանը»։
2016թ․-ին ԱԴԾ-ն Վոլոդինի դեմ ձեռք բերած բոլոր կոմպրոմատները ներկայացրել է Իգոր Սեչինին։ Գրառման հեղինակը վկայում է, որ ԱԴԾ վեցերորդ վարչության օպերատիվ աշխատակից Օլեգ Պլատովը իրեն ասել է, որ փաստաթղթերը ներկայացված են ՌԴ նախագահ Պուտինին։ «Հրաման լինի, անհապաղ կալանավորում» ենք,- իրավիճակն այդպես է ներկայացրել ԱԴԾ-ականը։
Բայց Վոլոդինին «Մատրոսսկայա տիշինա» բանտ ուղարկելու փոխարեն «գործուղել են պետական դումա»։ Ավելին, նա իր հետ պետդումա է տարել կրեմլյան ենթակա Դեվեյկինին։
«Վոլոդինը գերազանց գիտի, որ իր դեմ ԱԴԾ կոմպրոմատներով թղթապանակը Պուտինի չհրկիզվող սեյֆում» է,- գրել է Կանևը և բացատրել, որ հենց այդ պատճառով է Վոլոդինը «թութակի պես կրկնում, թե միայն Պուտինը կարող է ռուսաստանցիների համար խաղաղ երկինք ապահովել»։
Կանևը ուշադրություն է հրավիրել փաստի վրա, որ թեև Վոլոդինի տարեկան պաշտոնական աշխատավարձը կազմում է ութսուն միլիան ռուբլի, բայց նա ամեն տարի «Ռոսսելխոզբանկի» անձնական հաշվին գումարներ է փոխանցում։
2023թ․ ՌԴ պետդումայի խոսնակը տարեկայն յոթուկես տոկոսադրույքով՝ 934 270 758, հաջորդ տարի տասնվեց տոկոսադրույքով 416 316 912 ռուբլի ավանդ է դրել։
Անվտանգության դաշնային ծառայության կողմից տասը տարի առաջ կոռուպցիայի մեջ բացահայտված պետական պաշտոնյան առանց ՌԴ նախագահի իմացության չի կարող «ձախ եկամուտներ» ունենալ։ Ակնհայտ է, որ Վոլոդինը «սնվում է Կրեմլի ընդհանուր կերակրամանից»։ Դա, իհարկե, Ռուսաստանի նախագահի խնդիրն է։
Բայց երբ այդ «որակի» ռուսաստանցի պաշտոնյան թույլ է տալիս խոսել Հայաստանում «ավանդական արժեքների պահպանման անհրաժեշտությունից», տպավորություն է, թե նա նկատի ունի կառավարման կոռուպցիոն-օլիգարխիկ համակրգի վերականգնման անհրաժեշտությունը։
Վերջապես, աչքի է զարնում, որ Վոլոդինը մոտ մեկ միլիարդ ռուբլու «վաստակ» ունեցել է 2023 թվականին։ Դա Լեռնային Ղարաբաղի անեքսիայի և հարյուր հազար հայ բնակչի բռնատեղահանության տարին է։
Բաց մի թողեք
Ջանքեր են գործադրվելու ապահովելու Հայաստանյայց Առաքելական Սուրբ Եկեղեցու փաստացի պետի հեռացումը․ ծրագիրը՝ Կառավարության նիստում
«Ձուկ չկա». Ռուսական նավերը լրտեսական մտավախություններ են առաջացնում Եվրոպայում
ԱՄՆ-ն պատժամիջոցներ սահմանեց Պուտինին ձերբակալման օրդեր տված ՄՔԴ նախագահի նկատմամբ